Napakaseloso
CHIARA ELENA
“Class dismissed.”
“Hays salamat, first day pa lang dumugo na utak ko, Cha. Bakit noong elementary kapag first day puro introduction lang? Tayo quiz agad? Halos wala na akong matandaan doon sa pagba-balance. Bobokya pa yata ako unang araw.”
Tinapik ko sa balikat si Clarissa na ibinagsak ang mukha sa bag niya at patagilid na sinulyapan ako habang nililigpit ko pa lang ang gamit ko.
Si Clarissa na kanina pa naligpit ang mga gamit niya. Labinlimang minuto pa ang dismissal namin sa huling subject ay todo ayos na siya sa pagliligpit ng mga gamit niya.
“Ayos lang ‘yan, unang araw pa lang naman, bawi na lang tayo sa susunod.”
“Sus, dinamay mo pa sarili mo, kita ko kanina, relax na relax ka sa pagco-compute. Tingin mo para talaga ako sa accounting?”
“Tumigil ka
