Promise
CHIARA ELENA
Pagod ang katawan ko pero gising na gising ang diwa ko kaya nakailang biling na ako sa kinahihigaan ko’y hindi ko pa din nagawang makatulog.
Bumangon ako at hindi na pinilit ang sarili dahil mananakit lang ang mga mata ko. Pasado alas diyes na nang gabi at inisip ko si Kaiden kung nakauwi na ba galing hospital.
Ang alam ko’y sila Nanay at Tito Carlos na lang ang magbabantay kay Angeline. Kinuha ko ang cellphone ko na ngayon ko pa lang naalalang buksan mula nang mai-charge ko.
Sunod-sunod na pumasok ang chats sa akin habang naglakad ako palabas ng kwarto para makapagtimpla ng mainit na gatas nang makatulog ako.
Agad kong binuksan ang chats sa akin ni Kaiden. May missed call pa siya sa akin matapos tanungin kung nasa hospital pa din ako.
Hindi ko na nga pala s
