Photoshoot
CHIARA ELENA
“Chiara, okay ka lang ba?”
Tumango ako kay Clarissa at kinusot ang mga mata ko’t muling sinuot ang salamin ko bago sumulyap sa relong suot.
Dalawang oras pa pala bago ang uwian…
“Kanina ka pa hikab nang hikab ghorl, mukhang antok na antok ka. Kumusta na ba ang kapatid mo?”
“Medyo okay na, pero nagsasakit pa din ang tiyan kaya kailangan pa daw obserbahan sa hospital.”
Ilang araw nang nanatili sa hospital si Theo, gastroenteritis nga ang tumamang sakit sa kanya. Medyo malala daw kaya kinailangang i-admit. Ang hindi ko lang maunawaan ay napakaraming mga tests na pinapagawa sa kanya. Sa gabi’y ako ang tumitingin sa kanya pagkatapos kong pumasok mula sa trabaho.
Doon na lang ako natutulog at sinasamahan si Nanay anumang pagtutol niya.
“Huwag ka nang pumasok nga
