Nag-away
CHIARA ELENA
“Please Chiara! Khalil will lose his license. He loves his job!”
Ipinilig ko ang ulo ko para maalis sa isip ko ang boses ni Angeline mula kagabi. Naghilamos ako ng mukha at nagsepilyo na para maumpisahan ang araw ko.
Kailangan kong alisin sa isip ko ang mga nalaman ko. Kagabi nga ay nag-alala na si Kaiden para sa akin dahil malamang ay napansin niya ang pagiging balisa ko.
Napakahirap pa lang maglihim sa taong mahal mo. Nag-aagaw ang kagustuhan kong sabihin sa kanya ang mga nakita ko pero kapag naaalala ko ang pagmamakaawa ni Angeline sa akin ay hindi ko naman magawa.
Anumang mga nagawa niya sa akin ay hindi ko siya kayang gantihan lalo na sa ganitong paraan, ang pagbunyag ng lihim niyang pakikipagrelasyon kay Sir Khalil.
Ayon lang ba talaga ang rason o nata
