Crazy
CHIARA ELENA
Hindi ko namalayan na muli akong nakatulog matapos ang insidenteng iyon. Nagising na lang ako tumama ang sikat ng araw sa mukha ko. Nagdilat ako ng mga mata at napalunok nang maramdaman na hindi na ako nakasandal sa kinauupuan ko kung hindi sa balikat na ng katabi ko.
Agad akong umalis sa pagkakasandal kay Kaiden at nag-iwas ng tingin nang makita ang pagbaling niya sa akin. Dinig ko ang pagbuntonghininga niya nang muli kong isiksik ang sarili sa bintana.
Mariin kong ipinikit ang mga mata at gustong sabunutan ang sarili sa nagawa. Mukhang napasarap pa yata ang tulog ko at komportableng-komportable ang pagkakasandal ko sa kanya.
Tinutok ko ang atensyon sa labas at kahit matagal na akong naninirahan dito sa amin ay tunay na namamangha pa rin ako sa ganda ng lalawiga
