Kaya ko
CHIARA ELENA
Katulad nang sinabi ni Tito Carlos, maaga pa lang ay nagising na ako sa pagtalon ni Theo sa kama ko dahil kailangan na daw naming gumayak patungong isla na iba pa pala doon sa isa nilang pagmamay-ari na pinuntahan nila Angeline at ng mga kaibigan niya.
Bagong bili lang daw ang isla na ‘yon ayon kay Nanay at katabi lang din daw iyon noong isang isla.
Mas lalo kong napatunayang hindi talaga biro ang yaman na meron ang mga Figueroa. Parang laruan lang kung bumili ng property si Tito Carlos.
Kung may choice lang talaga ako hindi ako sasama sa lakad na ito pero wala naman akong maidadahilan para hindi sumama sa kanila.
Ni ang pagpapasya ko ngang lumipat ng boarding house ay hindi ko na naulit pang sabihin kagabi. Halata din kasing hindi iyon gusto ni Nanay. Lalo pa
