Bumabakod
CHIARA ELENA
“Kailan nga ang dating ng daddy mo, Ate Candice?”
“Sa friday pa, Angel. Sorry, magtatagal pa ako dito,” pagbibiro niya.
Apat na lang kami na nagsasalu-salo sa almusal ngayon. Maaga ding umalis si Tito Carlos at sumama kay Nanay sa paghatid kay Theo sa school nito. Didiretso na din daw sila patungong opisina.
“Are you kidding me, Ate Candice? Kung ako lang ang masusunod, mas gugustuhin kong iba ang umalis dito kesa sa ‘yo–”
“Angel, tama na. Ang aga-aga.”
Umismid lang si Angeline at sinulyapan ako. Minadali ko na ang pag-ubos ng almusal ko para mauna akong umalis sa kanila.
“Ten din ang pasok mo, Chiara?”
Tumango ako sa tanong ni Candice sa akin. “Oo, pero mauuna na ako kasi hindi ko pa kabisado iyong mga room at schedule ko. Aaralin ko pa.”
“Eh? Hindi ka n
