ANIKA POINT OF VIEW
"Tingin mo nasa mansion niyo ang secret place niya?" mahina kong bulong habang nakasunod sa likuran niya papasok ng gate.
"Nandito lang naman siya lagi," sagot ni Rico.
"Hindi ba dapat baguhin mo ang itsura ko?" Natigilan siya sa sinabi ko at binalingan ako ng tingin. "Ano na?" atat kong tanong.
"Tapos na." Tumalikod siya at muling tumingin sa paligid.
"Tapos na? Parang wala namang kakaiba." Natigilan ako at napahawak sa sarili kong lalamunan. Huminto ako sa tapat ng guard's gate at maiging napatitig sa maliit na salamin. "Bakit ako rin ikaw?" gulat kong angal.
"Gusto ka niyang patayin pero ako, gusto niya lang pahirapan. Saka kung mahuli ka man, ayos lang dahil kaya mo namang magpanggap na ako." Ngumiti siya at hinila na ko.
Ang talino niya talaga kahit kailan.
