ANIKA POINT OF VIEW
"Nababaliw ka na ba? Ayoko. A.yo.ko."
"Mahal, kailangan ko 'yong gawin." Pamimilit ko sa kanya.
"Bigyan mo ko ng magandang rason para payagan kita." Huminto siya sa pagluluto at naghalukipkip sa harapan ko.
"Kasi kailangan natin silang matalo," simpleng sagot ko na inirapan niya. "Sige naman na."
"May iba pang paraan. Ayokong malagay ka sa panganib. Hindi mo na lalapitan si Gino o kahit pa magbago siya ng anyo bilang si Axel. Delikado, nakita mo naman ang kaya niyang gawin kagabi. Hindi ka gano'n kalakas, Anika," tuloy-tuloy niyang prangkang salita na nagpahinto sa akin.
Ngumuso ako at sumandal panandalian sa lamesa habang tinititigan siya.
"Ako na lang. Magbabago ko ng anyo at gagayahin kita. Gano'n na lang ang gawin natin," muli niyang mahinahong salita.
"A
