Bago pa niya magawang i-angat ang paa upang sugurin ang aroganteng abogado ay hinagip na ni Dylan ang kamay niya, mahigpit siyang pinigilan. Marahas niya itong nilingon. “Bitiwan mo ako,” sambit niya sa pagitan ng mariing pagkikiskisan ng mga ngipin. Makikita ang malinaw na pag-iigtingan ng linya ng panga niya.
“Sir, kumalma ka muna,” awat nito sa kanya. “Marami pong tao rito. Baka mag-viral ka na naman ho. Puro tungkol na lang sa iyo ang newsfeed ko.”
“You know, I wouldn’t care even if I dominated the top search all year.” Mas uunahin pa ba niyang intindihin iyon kaysa sa lalaking gustong magkapuwang sa puso ng asawa niya? Papayag ba siyang agawin na lang ng aroganteng abogado ang babaeng batid na niya ngayong napakahalaga pala sa kanya.
He couldn’t live without her.
If he had to live
