‘Emotional Reunion: Missing Daughter of Prominent Senator Finally Found, Nessa Gayla Formally Introduced to the Public.’
Iyon ang headline ng article na mabilis na umiikot sa lahat ng social networking sites, discussion forums, at video sharing platforms.
Nasa loob sila ni Zeki ng pinaka-opisina niya sa H-Precision. Pagkagaling sa venue ng press conference ni Senador Santana ay bumalik na sila ni Zeki sa kompanya niya. Ayaw pa sana niyang umalis sa venue ng presscon, gusto pa kasi niyang makita ulit si Nessa. Pero muntik na siyang paulanan ng mura ni Zeki. Bago pa tuluyang maubos ang natitirang pasensya ng kapatid sa kanya ay pumayag na lang siyang umalis na sila.
“Anak ni Senador Santana si Nessa?” hindi makapaniwalang tanong ni Zeki sa kanya. Hawak nito ang cellphone at nakabukas iyo
