Hinatak siya sa dulo ng pasilyo ni Nessa, at halos itulak na pasiksik sa isang sulok. Lumabas sila ng function room, at ayaw niyang bitiwan ang kamay nito. Alam niyang nagpapawis na ang kamay niya sa labis na nerbyos, pero wala siyang pakialam. Basta, hindi niya ito gustong bitiwan.
“Bitiwan mo na ako,” sikmat nito sa kanya.
“No, I won’t,” pagmamatigas niya.
“Sinusubok mo ba talaga kung hanggang saan ang pasensya ko sa iyo? Gumawa ka lang naman ng eksena r’un sa loob. Tapos ngayon naman ay ayaw mong pakawalan ang kamay ko?” Nagngingitngit ito sa kanya.
“Because if I let go of your hand, you’ll surely run away from me immediately.”
“Bakit? Hindi ko ba dapat gawin iyon? Nakakatakot ka, Viz. Ano itong mga pinaggagawa mo ngayon? Hindi ka naman ganito dati, ah?”
“Hindi ako ganito dati, ka
