Malayo palang ay nakita na ni Nessa ang pagtikwas ng mga kilay ni Perlas nang matanawan nitong sabay sila ni Viz na pumasok sa loob ng eleganteng bulwagan. Kahit ang mga taong nasa party na iyon ay hindi magawang ignorahin ang kanilang presensya at napapalingon sa direksyon nila. Noventa porsyento ay dahil iyon kay Viz, sapagkat mukha itong matayog na tore sa tangkad nito at may taglay pang malakas na karisma na humahatak sa atensyon ng mga tao.
“Bakit magkasama kayo?” matabang na tanong ni Perlas, mas inuukol nito ang tanong na iyon kay Viz dahil sa lalaki nakapaling ang mukha nito.
Ramdam niya ang inis ni Perlas sa bayaw nito. Naiinis pa rin siguro ito sa ideyang gusto ni Viz na i-annul ang kasal nila.
Umangat ang magkabilang sulok ng mga labi ni Viz. He looked harmless; even his ey
