Napatingin si Viz sa kanyang cellphone nang tumunog iyon, at napakunot-noo siya nang makita ang pangalan ng taong rumehistro sa screen ng aparato.
Zeki calling…
Ano ang dahilan at biglang napatawag ang kapatid niya? Tinapos niya ang pagpirma sa mga dokumentong inihatid sa kanya ng sekretarya at inabot niya iyon pabalik dito. Nakatayo pa rin ito sa harapan niya. “Please, email all staff to inform them of the recent policy amendment,” utos niya sa babae.
“Noted, Sir.”
Inaasahan niyang aalis na ito, subalit nagtaka siya kung bakit hindi ito gumalaw mula sa kinatatayuan. Matamis itong nakangiti sa kanya, kipkip sa braso ang mga dokumento.
His brows arched. “Yes, Sassa? Do you have any further matters to discuss?” Nagtatanong ang tinging ipinukol niya sa babae.
"Wala naman na, Sir." Hin
