"Taste it!" naglalambing na ani ni Timothy, nagluluto ito ng menudo at ngayon nga'y excited na ipatikim sa akin ang luto n'ya. "Masarap?" tanong pa nito. Nag-tumbs up lang ako. Parang ang hirap purihin ng lalaki, kahit pa effort na effort pagsilbihan ako. Nang makita nitong nag-okay ako'y masayang bumalik ito sa harap ng stove at binantayan ang nakasalang.
"Tim, uuwi ka ba mamaya?" tanong ko rito. Hininaan na nito ang stove, saka kinuha ang cellphone n'ya. Tinatawagan na naman nito si Meridette.
"Depende sa magiging sagot n'ya."
Hinintay naming sumagot ang kapatid ko. Nang sagutin naman nito ay tahimik lang ako.
"Love, why? Hindi mo pa ba nabasa ang text ko sa 'yo? I told you na hindi ako makakauwi. May overtime kami rito sa office."
"Hindi, love. Ngayon ko pa lang iche-check. Ma
