"MANANG Flora, may timba kayo?"
Nang makababa si Isabella, iyon agad ang tinanong niya kay Manang Flora na abala sa pagluluto ng tanghalian.
Nangungunot na humarap ang matanda sa kaniya. "Anong timba, Isabella? Ang ibig kong sabihin, anong gagawin mo sa timba?"
"Gagamitin ko po sana pangligo. Wala po kasing timba sa loob ng banyo, e. Kanina pa po akong naghananap doon pero wala naman po akong makita."
Marahang tumawa ang matanda. "Isabella, wala talagang timba sa banyo. Bakit? Kasi shower ang ginagamit dito."
"Shower? Pasensya na po pero wala akong alam doon, e," kakamot-ulong tugon niya sa matanda.
"Oo, Isabella. Alam mo ba iyong parang lagaderang nakadigit sa dingding? Iyon ang shower. Ang kailangan mo lang gawin ay pihitin mo iyong handle sa ibaba noon. Pihitin mo lang pakanan pa
