Chapter 12
MAKISIG
Ang mahabang buhok ni Lori na may disenyong butterfly na ipit ay talaga namang agaw pansin para kay Ivan. Ang mumuntian nitong mga mata ay lalo pang pinaganda ng mahaba nitong pilikmata. Morena si Lori. Mukhang totoo para kay Ivan ang kasabihang 'opposites attract'. Siya kasi ay maputi. May lahing Espanyol ang mga Montero kaya siya ay mestizo- maputi, matangkad, matangos ang ilong, at ang panga niya ay kay ganda ng pagkaka hulma. Tila winangis sa mga sikat na aktor sa mga telenobela ang kanyang itsura.
Maraming nagsasabing paglaki niya ay marami siyang papa-iyaking babae. Hindi iyon maunawaan ni Ivan. Bakit naman niya papa-iyakin ang mga babae? Si Lori nga ay ayaw niyang makitang umiiyak.
Nang dumating si Lori sa kanilang silid-aralan na posturang- postura, hindi n
