Chapter 13
MAGKASINTHAN
“Hinayaan mo na lang sana na kunin ng mga bully na 'yon 'yung baon ko. Kaysa masaktan ka pa nila,“ sabi ni Ivan kay Lori habang pinupunasan nito ang dugo sa labi niya.
Parang hindi siya naririnig ni Lori dahil nakatulala lang ito sa kanya. Na-trauma yata dahil sa nasaksihan niya kanina na suntukan. “Lori! Huy Lori, sorry. Dapat talaga hinayaan mo na lang sila.”
Napabalik sa wisyo si Lori nang niyugyog siya ni Ivan. Napakunot-noo ito at idiniin ang panyo sa sugat ni Ivan kaya napahiyaw si Ivan.
“Aray ko naman Lori!”
“Kasi naman, kapag hahayaan mo sila edi palagi ka na lang nilang kikikilan. Saka sino ba kasi nagsabi na pagsusuntukin mo si Ernest? Baka mamaya balikan ka no'n," sabi ni Lori at yumuko nang maalala kung paano nakipag bardagulan si Ivan para sa ka
