Chapter 11
MARIKIT
Natigilan sina Max at Lori nang bumungad sa kanilang harapan si Ivan. Hindi naman ito mukhang galit. Wala ngang ekspresyon ang kanyang mukha.
Hindi mawari ni Lori kung bakit sa isang iglap ay parang naging tensyonado na ang paligid sa tuwing magkasama silang tatlo. Noong mga nakaraang buwan naman ay walang ganitong pakiramdam sa pagitan nilang tatlo. Kailan ba nagsimula ang pagka-ilang niya? Sa pagkakatanda niya ay nagsimula ito noong nabaril si Rodel at nagpakasal na sila ni Doc Liza. Sa pakiwari kasi ni Ivan ay nabalewala siya at nakatuon ang atensyon ng lahat kay Max.
Ang hirap maipit sa gusot ng magpinsan. Sana maibalik na sa dati ang samahan nilang tatlo. Hindi pag-iwas ang solusyon para sila ay matahimik. Lalo lang silang malulungkot.
Kaya si Lori ay naisip
