SANDRA VILLA AMOR
BUMUWAG SI KEN sa pagyakap sa akin matapos kong bitawan ang mga salitang iyon. Sa totoo lang, labag iyon sa kalooban ko, pero para lang din naman ito sa relasyon namin. Tinitigan niya ako habang walang humpay ang pagtulo ng luha sa mga mata niya. Ang sakit! Sobra. Pero kailangan ko itong gawin dahil kung ipagpatuloy ko ito, ako lang din naman ang masasaktan.
"Tatanggapin ko iyong desisyon mo kahit napakasakit dito sa puso ko, Sandra. pero ito lang ang hihilingin ko sa huli nating pag-uusap." Huli? Paanong huli? Ano ang ibig niyang sabihin? Hindi na kami pwedeng mag-usap dahil hiwalay na kami? Grabe ka, Ken. "Simula ngayong araw na ito, magpanggap kang 'di mo ako kilala at ganoon rin ako sa iyo. 'Wag mo ring isipin na nagkaroon tayo ng relasyon dahil sa oras na ito papat
