SANDRA VILLA AMOR
Hindi pa nga ako nakapag-move on sa nangyari kahapon, pagkatapos ngayon, meron na naman. Natahimik na lang ako sa nakita ko at parang tutulo na ang luha sa mga mata ko. Ang sakit lang dito sa puso ko. Sa totoo lang, mas nakakakilig at maganda sila tingnan kumpara sa aming dalawa ni Ken.
Lumapit si Ken sa akin at hinalikan ako sa pisngi. Dapat magalit siya sa akin dahil iniwanan ko siya kahapon. Hindi ko rin sinasagot ang tawag niya. Kanina naman ay iniwan ko siya. Gusto ko lang magpapansin sa kanya para malaman niyang nagtatampo ako sa kanya. Pero heto siya, umaarteng walang nangyari.
"Sa labas tayo," bulong niya sa akin.
Matapos niyang masabi iyon ay humakbang siya palabas. Ako naman, sinundan siya. Pagdating namin sa labas, ang akala ko ay magpapaliwanag siya at hu
