NIKKO MONTE CLAIRE
Bilang pinsan ni Dave, madalas kaming dalawa ang pinagkukumpara ng mga kamag-anak namin. Pero pareho lang naming tinatawanan iyon. Sinisigurado rin naming dalawa na hindi maging dahilan iyon para mag-away kami. Ang mahalaga sa amin, matalik kaming kaibigan.
Sa Davao City pala ako nag-aaral noong una at tatlong taon ko sa kolehiyo. Iyon kasi ang gusto ng Mommy ko. Ang sabi niya, magugustuhan ko raw roon dahil presko at hindi traffic. At tama nga siya roon. Nagustuhan ko ang ambiance ng City. Tama nga ang katagang, 'Mommy knows best'.
May hacienda kami sa Davao at si Mommy ang namamalakad doon. Noong una, ayaw ko 'yong plano niya na roon ako papaaralin kasi nandito na sa Manila ang buhay ko. At ang kinatatakutan ko, ang malayo ako sa mga kaibigan ko. Ngunit nang nandoo
