Paglabas ni Andrei ay agad niyang kinuha ang cellphone niya kung saan pumapasok ang lahat ng mga email sa kaniya ng mga empleyado at iba pang mahahalagang tao. Sinubukang buksan ni Andrei pero walang naman siyang maintindihan kahit na isa sa mga ‘to kaya inihagis na lang niya ‘to sa kama bago magbihis at lumabas ng k’warto.
Sabay na napaigtag sina Noraine at Andrei nang magkasalubong sila sa labas ng k’warto ng lalaki. Bakas sa mukha ni Noraine ang labis na pagkagulat habang nakatingin kay Andrei kaya naman hindi maiwasan ng lalaki na magtaas ng kilay.
“What are you doing here?” malamig na tanong ni Andrei sa babae. Tiningnan niya ang kabuoan nito at nakita niyang nakasuot ito ng mahabang manggas na damit. Pumilig ang kaniyang ulo. “Bakit ganiyan ang suot mo? May pasok tayo sa kompanya,
