Nang makaalis na si Mrs. Amy ay nagsimula nang magtrabaho si Noraine. Ang mga papeles na nasa kaniyang harap ay katulad lang din ng mga papeles na napupunta sa kaniya nitong mga nakakaraang araw kaya naman naging madali na lang sa kaniya ang pagtapos sa mga ‘to.
Sa ilang araw niya kasing pagtatrabaho sa kompanya nina Andrei, nagawa na niyang matutunan ang iilang mga trabaho rito at natutuwa siya ro’n dahil nakikitaan na siya ng pagbabago. Nakikita niyang hindi lang siya napapagod, may natututunan din siya at nasasanay siya sa mga gawain sa kaniyang paligid.
Abala sa pagtitipa sa kaniyang laptop si Noraine nang mapaigtag siya dahil tumunog bigla nag telepono sa lamesa ni Andrei. Napahawak pa siya sa kaniyang dibdib dahil sa sobrang gulat.
Agad na tumayo si Noraine at nilapitan ang telepo
