Halos dalawang araw nanatili sa loob ng Hospital si Mr. Edwards para masiguro ng mga Doctor nito na okay na talaga siya at p’wede na talaga siyang lumabas ng Hospital. Mukhang maayos naman na ang kalagyaan ni Mr. Edwards kaya umuwi na sa mansion sina Noraine.
“Pasensya na at naabala ko pa ang dalawang araw niyo na dapat ay nagtatrabaho na kayo,” natatawang untag ng ginoo habang nasa loob sila ng sasakyan at patungo na sa mansion.
Si Andrei ang nagmamaneho at silang dalawa naman ni Mr. Edwards ay sa likod nakaupo.
Nakita ni Noraine na tiningnan sila ni Andrei gamit ang rear mirror.
Saglit na nagtama ang kanilang paningin kaya agad na nag-iwas ng tingin si Noraine dahil sa tuwing nakikita niya ang malamig at blangkong emosyon ng mga mata ni Andrei ay naaalala niya ang mga sinabi sa kaniy
