CHAPTER 13
Nagmamadaling lumabas ng bahay si Noraine para habulin ang lalaki na kanina pa pala lumabas ng bahay. Naabutan niya si Andrei na nasa garahe at mukhang hinihintay talaga siya kaya hindi niya maiwasan na mapangiti.
“Andrei---” Hindi pa nga naitutuloy ni Noraine ang pagtawag sa lalaki nang magsalita na ito.
“Sumakay ka na, napakapabebe mo,” anito at naunang pumasok sa loob ng mamahalin niyang sasakyan. Napakurap-kurap na lang si Noraine nang dahil sa nangyari.
Siya? Pabebe? Aba, walang preno ang bibig ng isang ‘to at walang karoma-romantiko sa katawan, ni hindi man lang siya pinagbuksan ng pinto.
Nagmartsa papunta sa kabilang pinto si Noraine at sumakay sa passenger seat.
Narinig niya ang mabigat na paghinga ni Andrei kaya nilingon niya ito at nakita niyang nakatingin sa lab
