Pagod na nakahiga si Noraine sa kaniyang higaan habang nakapikit ang mga mata.
Ramdam na ramdam niya ang pagod ng kaniyang katawan dahil sa ilang araw na pagtatrabaho niya sa kompanya nina Mr. Edwards. Hindi naman mabigat ang mga pinapagawa sa kaniya ni Andrei pero napapansin niyang napakarami nitong pinapatrabaho sa kaniya.
Kulang na nga lang ay hindi siya kumain ng lunch dahil sa tambak na gawain sa kaniyang lamesa. Dinaig niya pa ang mga empleyado ro’n na nagagawa pang makipagk’wentuhan habang nagtatrabaho, siya ay halos hindi na makita ang kaniyang mga kaibigan dahil sa sobrang pagka-abala.
Isa pa ay magkaiba ang floor nila, hindi rin naman siya basta makatakas kay Andrei dahil sobrang higpit nito sa oras ng kaniyang pagtatrabaho kaya nga nang sumapit na ang araw ng Linggo ay halos
