بعد الخريف ( الفصل الخامس ) #الاخير

4380 Words

يقوم عمر متثاقلا من مكانه ويخرج من الباب وهو يرمق أيمن الذي انشغل في ترتيب بعض الاشياء بنظرة كراهية ويغلق الباب وراءه . يدخل نجم قائلا : _ كابتن أيمن كده تمام ؟ ايمن : تمام اوى شكرا يا نجم على وقفتك معايا نجم : ايه الكلام ده يا كابتن انت عارف انا اتمنى اخدمك وعمرى ما انسي جمايلك يؤكد أيمن على نجم رقم هاتفه ويتواعدان على اللقاء في القريب ، و يمضى ايمن للرجوع على الفندق يصل أيمن ويصعد الى غرفته ، و قبل ان يفتح الباب يتجه لغرفة نادين يدق الباب مرة تلو الاخرى فلا تجيب ، يخرج هاتفه للاتصال بها يجد هاتفها مغلق يدخل غرفته وقد اعتراه القلق .. ويبدأ في تغيير ملابسه ليدق هاتف غرفته .. ويأتيه صوت نادين :- _حبيبي انت وصلت بالسلامة ايمن بنبرة حادة : انتى فين ؟ نادين : كنت بشترى حاجات وموبايلي فصل شحن ، مالك يا قلبي ؟ يهدأ أيمن ثم يقول : مفيش ، هتتأخرى ؟ نادين: لا خلاص انا وصلت الفندق اهو ادينى ساعه وابقي معاك ايمن مستغربا هدوء نادين : ساعه !! مش عايزة حتى تشوفى الحاجات اللى كانت مع عمر ؟ نادين : لما اجيلك نتكلم يلا بقي ايمن : طيب سلام نادين : سلام يا قلبى تصعد نادين غرفتها وتبدا في افراغ محتويات ما اشترته وتبتسم .. ثم تعاود الاتصال بايمن : .. _ حبيبي ! ايمن : رجعتى ! نادين : ممكن اطلب منك طلب ؟ ايمن : اتفضلي اكيد نادين : ممكن نبدل غرفنا شوية ؟ ايمن : نعممم !! نادين : ارجوك يا حبيبي سلفنى اوضتك هههههههه .. ضحكة نادين تجبر أيمن على الابتسام فيجيب: _ تعبتينى اوى النهاردة كل ده مين هيدفع حسابه بقي ؟ نادين برقة : انا هسدد كل اللى عليا بس ارجووووك تعالى اوضتى انا مش هبقي موجودة ايمن : ايه ؟ كمان ؟ في ايه يا بنتى نادين : يلا 10 دقايق وتعالى على اوضتى وسيب لى اوضتك مفتوحة تجمع نادين مشترياتها و بعض ادوات التجميل وتخرج تاركة مفتاح الغرفة خارجا ، تصل لنهاية الردهة في انتظار خروج ايمن ، وما ان نلمحه يدخل غرفتها حتى تسرع لدخول غرفته وتأخذ نفسا عميقا وتبدا في إجراء الترتيبات ، يدخل ايمن غرفة نادين يستلقى على سريرها وهو يحتضن ملابسها وسرعان ما تغفو عيناه في نوم عميق .. يستيقظ ايمن على صوت هاتف غرفة نادين ويلتقط السماعه في تثاقل ليأتيه صوت نادين مرحا :- _ كمان بترد على تليفونى اخدت عليا اوى ! ايمن بصوت نائم : وانتى واخدة اوضتى و مش عايزانى حتى اخد تليفونك ؟ تضحك نادين : يلا قوم يا **لان الساعه10 خد شاور وتعالى ايمن : هاخد الشاور في اوضتى تهتف نادين : لاااا انت هتدخل اوضتك مش هتقوم تعمل حاجة ايمن ضاحكا : هو انا بسمع كلامك ليه اصلا ها ؟ نادين : علشان انا كيوته ، وتضحك ويضحك ايمن ، يغلق الهاتف وياخذ حماما دافئا ، ينساب الماء على رأسه وتومض في ذهنه صورة زوجته و اولاده ، منذ جاء وقد نسيهم تماما ، يغمض عينيه ويكمل حمامه سريعا ليذهب الى غرفته ، يهم أيمن بفتح باب الغرفة حتى يتسرب الى انفه رائحة عطر شرقي يعرفه جيدا ، يخفق قلبه بشدة ، انه عطر نادين ! ترى ماذا أعددت له ! يطرق الباب ليأتيه صوتها : _ ادخل . يفتح ايمن الباب ليجد قدما تخطو داخل ممر من الشموع والورد المجفف المصفوف على جانبي الممر ينادى : _ نادين . فلا تجيب ، يقا**ه السرير وقد ازدان بالورود وكتب حرفى اسمهما على الغطاء ، تقابل السرير طاولة صغيرة اصطف عليها انواع من الأكل البحرى الذى يحبه . يضحك ايمن وينادى : _ يا قمر الزمان انتى فين وايه ده كله ؟ يجلس أيمن على الاريكة امام الطاولة وهو لا يجد ردا منها انت كل حاجة فيك حلوة ، انت حبيبي ليجيبها بنفس الشوق وهو يقول : _ انتى احلى طعم عرفته ودوقته وعيشته ، انتى نسمه ناعمه في ليلة صيف ، شمس دافية في يوم برد ، قمر طلع في وسط السما في غير ميعاده واكتمل بدر علشان ينور ليلي انا ، انتى طعم السعاده ومعنى الفرحة ومعاكى نسيت انى شوفت اى حزن قبل ما اقابلك ، ومعاكى سعادة تملا عمرى اللى جاى . لتجيبه نادين بصوت يشبه الهمس وبعينين شبه مغمضتين وجبين مقطب وحاجبين معقودين في شجن ويداها ضارعتان نحو وجهه لتمسك بخديه تحتضنهما براحتيها وهى تقول: _ اوعدنى حبيبي عمرك ما هتسيبنى ، انا حياتى من غيرك تنتهى مش بس السعادة ، لأ الحياة نفسها تنتهى يا ايمن من غيرك ، ارجوك خلينى في حياتك باى صورة وباى شكل وباى صفة بس خلينى فيها ، اوعدك عمرك ما هتشوف منى الا السعادة والفرح ، سيبنى اسعدك وخليك انت كمان في حياتى لان وجودك معنى السعادة ومعنى الحياة يحتضن رأس نادين ما بين ص*ره وعنقه وهو يقول : _ انا اللى من غيرك هموت ، انتى روحى وعمرى وحياتى وقلبي بيحبك ، ثم يطوف بقبلاته على كل انحاء وجهها لتبادله نادين الطواف على وجهه بالقبلات ثم تمد يديها لتبحث عن يديه، تقبلهما بحنان ونعومة ورقه لتضمه بحنان وهى تمسح على ظهره وتمشط شعره بأناملها ..يتحدث ال**ت بينهما حديث الشوق وكأن قلوبهما هى التى تتحدث ، تراجعت الالسنة فقد انتهى دورها وتولت القلوب دفة الحوار .. يرن هاتف ايمن الخلوى لينظر أيمن الى الرقم ويتغير وجهه ، تلاحظ نادين تجهمه ، يلتقط ايمن الهاتف ويقول بصوت جدى : - _ الو ايوه يا شوشو ، لا يتكلم ايمن ويبدو عليه انه يستمع الى الطرف الأخر بضيق فتقوم نادين لتذهب الى الحمام لتترك له مجالا للحديث ، على الجانب الأخر ياتى صوت زوجة أيمن وهى تصيح : _يعنى سافرت ووصلت ولا كلمتنى ايمن : شوشو لو سمحتى وطى صوتك وانتى بتكلمينى شوشو ؟ وانت من امتى بتهتم صوتى عالى ولا مش عالى ، ما طول عمري بكلمك كده مبقاش عاجبك دلوقتى ليه ؟ ايمن : مالك فيكى ايه مش طايقة لى كلمة ليه؟ شوشو : لما اعرف من مرات صاحبك ان حضرتك هتقعد سنتين متنزلش مصر وانت ولا قولتلى ولا اديتنى فكرة يبقي لازم ميعجبنيش ولا اكون طايقة لك كلمة ايمن : انتى قابلتى ماجى مرات طارق امتى ؟؟ شوشو : رد على سؤالى الاول ، لا قعدت معايا ولا اخدت رأيي ولا قولت انك هتقعد المدة دى كلها يا ترى ايه الاسباب ؟ يرتفع صوت ايمن وتتغير لهجته ويحتد ليقول : _ _وانا من امتى فارق معاكى اقعد في مصر ولا بره مصر ! انتى عمرك ما اهتميتى بيا ولا سالتى عنى ولا عمرك استقبلتينى على الباب حتى تقولى حمدا لله على السلامة ، شوشو ! احنا اللى بينا اولاد بس مش ده كلامك ؟ شوشو : واشمعنى دى اللى انت فاكرها ؟ مش فاكر ليه اهمالك واهتماماتك كلها بمستقبلك الرياضى في الملاعب ! مش فاكر ليه انى استحملتك ودفنت زهرة شبابي واسعد ايام حياتى علشان جدولك الرياضى يا كابتن وانت بتلعب كورة ؟ لو حد فينا اهمل التانى او قصر معاه يبقي انت مش انا ايمن : ولما خلاص انتهت حياتى في الملاعب ومبقيتش النحم اللى انتى اتجوزتيه واتفرغت لك رديتى لى الطاق طاقين مش كده ؟ واستغليتى احتياجى لوجودك جنبي ف انك تتجاهلينى وتهملينى كل ما احاول اقرب منك تقوليلي تعبانة طول النهار مع الاولاد مش فاضية ، خلاص يا شوشو احنا وصلنا لطريق مسدود من زمان والفضل يرجعلك ، سيبينى لان عندى جلسة اعداد للاستوديو ، والتحويلات هتوصلك اول بأول ، مش ده كل اللى يهمك شوشو : بضحكة سخرية ترد شوشو قائلة : ربنا يخليك لجمهورك يا كابتن ، اسفة انى سألت عنك ايمن : يا ريت متكرريهاش تانى شوشو : وعد مش هتتكرر تانى يغلق ايمن الهاتف ثم يطلب رقم وهو يقول : _ _ علاء حبيبي خلى بالك من نفسك ومن اخواتك ، اه يا حبيبي ده رقمى لو احتاجت اى شيئ كلمنى عليه ف اى وقت .. علاء انا سايب راجل في البيت صح ولا غلط ؟ ايوه كده حبيبي الرقم معاك ماتنساش ، رن لى وانا هكلمك .. ماشي يا حبيبي مع السلامة . يغلق ايمن الهاتف ويذهب لنادين فلا يجدها في غرفته ، يتلقط الهاتف ويطلب غرفتها لتجيبه بصوت حزين مجهد : _ أيمن ! ايمن : مشيتى ليه ، وامتى ؟ نادين : معلش حبيبى انا حبيت اسيبك تتكلم براحتك ايمن : طيب تعالى نادين : مش قادرة طيب هاجيلك انا نادين لا يا أيمن معلش انا تعبانة اوى ، خلينا نتقابل بكرة على الفطارعشان انا هنام . تستيقظ نادين في اليوم التالى وهى تشعر وكأنها مركب ضائع تعصف به الريح ، ظلت في مكانها بلا حراك لا تعلم كم من الوقت مضى وهى في مكانها وهى تفكر في حبيبها وحياته التى ربما تكون سببا في ضياعها ، لا تعلم كيف نسيت او تناست زوجته واولاده ! لابد ان تنهى كل شيئ ، تنفض نادين رأسها فى استنكار لا شعوريا : كيف تتخلى عن حبها ؟ لقد ظلت تبحث عن أيمن وقتا طويلا ، تتذكر وهى تقوم بترتيبات اللقاء وهى تسأل وتحجز مقعدها بجواره وتعرف فندقه .. كيف سولت لها نفسها أن تفعل كل ذلك وهى تعلم جيدا انه متزوج ! تهز رأسها في استنكار للمرة الثانية وكأنها ترفض فكرة أنها تعمدت ان تفسد حياة أيمن .. كيف تستطيع أن تتركه وتبتعد وهى لم تشعر بالأمان إلا معه ! لم تهتم ماذا فعل مع عمر وكيف تصرف معه ، هى تثق فيه وفي قدرته على حمايتها ، أين تجد هذا الأمان ؟ أين ستجد كل هذا الحب ! كل هذا الاحتواء ! وهى من جربت من الرجال ما بين الخائن والمتبلد والندل .. يقطع افكار نادين رنين الهاتف وهى متأكدة انه أيمن ، لابد انه متعب مثلها .. تلتقط السماعه وما أن تسمع صوته حتى تجهش بالبكاء ، يسكت أيمن لحظات ثم يقول :- _ حبييتى ممكن تهدى عايز اشوفك ضرورى انا جايلك ترفض نادين : علشان خاطرى خلينا نتقابل بره ايمن : زى ما تحبي انا هستناكى في اللوبي تترك نادين فراشها بخطوات متثاقلة تحث الخطى لتغتسل ، تنساب المياه على جسدها وكأنما تنساب معاها قوى نادين وقدرتها على التحمل ، تستند برأسها للحائط المقابل وتجهش بالبكاء ، لا تعرف كيف ستتصرف مع أيمن .. لن تستطيع أن تتركه ، لن تستطيع مواجهته ولن تستطيع البقاء معه .. هى في حيرة وألم ، تتباطأ نادين في انهاء حمامها ، لأول مرة لا تستعجل لقاء أيمن فهى تخاف نتيجة حواره أمس مع زوجته ولا تعرف كيف تتصرف ، لاول مرة لن يساعدها ولن تستطيع أن تلجأ له ليفكر معها ، تسمع رنين الهاتف مرة اخرى ، ترتدى روب الاستحمام وتخرج لتجيب .. يأتيها صوت منتج برامجها : -- دكتورة نادين كيفك ؟ نادين : هلا .. تمام ، ازى حضرتك ؟ -- السكن تبع حضرتك جاهز خلاص ، تحبي امتى تنتقلي هناك ؟ نادين : اه يا ريت في اقرب فرصة -- اليوم لو تحبي نادين : تمام ممكن بالليل اكون جاهزة . -- راح اترك لك رقم جوالى واى وقت كلمينى السيارة تفوت عليكى نادين : اشكرك جدا ، سلام -- سلام ترتدى نادين ملابسها وتخفى وجهها بنظارة الشمس وتحث الخطى للنزول للاستقبال ، ترى ايمن يدخن سيجارته ببطئ .. تتمنى لو ترتمى في حضنه لتطمئن ، يلتفت أيمن فيراها على هيئة لم يعتدها ، يمشي نحوها ويلتقط يدها ليقبلها .. يجل**ن سويا .. ايمن : تحبي نقعد هنا ولا نتمشى بره ؟ نادين : نتمشى بره يتحركان سويا وهو يمد يده ليمسك يدها ، بقوة تحاول ان تفلت يدها فلا يسمح ، تستسلم لقبضته ، هى تحتاجها اكثر منه ، يجل**ن سويا في احدى الكافيهات المطلة على الخليج .. ويبدأ ايمن كلامه مازحا : - _هربتى امبارح فلتى منى * تبتسم نادين .. ايمن : مشيتى امتى و ليــــــــه ؟؟ نادين : حسيت ماليش مكان وحسيت اكتر ان كلامك بحدة مع شوشو ونبرتك الجافة ممكن يكون سببها وجودى علشان كده انسحبت ، أيمن أنا ........ قاطعها ابمن : انتى فاهمه غلط ولو كنتى استنيتى وصبرتى لما اخلص فون او حتى وافقتى اجيلك بعدها كنت فهمتك كل حاجة ، انا بحبك وكلامى مع شوشو طريقته كده من زمان جدا ، وجودك ماخربش العلاقة زى ما انتى فاكرة ، العلاقة خربانة من زمان .. صورة لزوجين بيحافظوا على المظهر الاجتماعى مش اكتر .. كل اللى حصل انى فعلا مبقيتش متحمل اسلوبها لما انتى دخلتى حياتى وشوفت معاملتك ليا قد ايه مهتمة بتفاصيلي ، بتفكري في سعادتى وراحتى ، بتحبينى وباقية عليا كل ده خلانى احس انى فعلا محتاج لك وبحبك نادين : انا كمان بحبك اوى يا حبيبي بس كلامك ده كله بيحسسنى قد ايه انا أنانية ، ولو اخدتك منهم ابقي فعلا انسانة رخيصة ، اى اتنين بيحصل بينهم فتور ، مش عايزة اكون سبب في بعدك عنها وعن اولادك انا أصلا مش متخيلة حياتى لو بعدنا ، بس سعادتك عندى واستقرار بيتك ايمن : استقرار ايه اللى هتضيعيه ؟ شوشو عمرها ما فرقت معاها ، كل اللى بيفرق الشكل قدام الناس بس ، انا محتاجلك نادين : كلامك وردك عليا دلوقتى معناهم انك مش بتفكر بجدية وانك عايز ترضينى ، لازم تاخد وقتك ايمن : انا مش محتاج افكر نادين : انا محتاجة أحس انك فعلا بتفكر بعيد عن تأثيري ، ارجوك ايمن : عايزانا نبعد نادين : لا عايزانا ناخد فرصة تقيم علاقتك وتوازن امورك وصالح اولادك وانا رهن أشارتك حبيبة صديقة اى صفة ايمن : زوجة . * تسكت نادين ايمن : عايزك زوجة نادين : ارجوك علشان خاطرى تفكر ، انا همشي من الاوتيل النهاردة و لو بجد بتحبنى خد وقتك و فكر براحتك ، معاك تليفونى ايمن : انا كمان همشي انا كنت قاعد علشانك تطرق نادين برأسها ليشعر أيمن ان الحوار قد انتهى وما بقي اإلا ان يثبت لنادين جديته . يقطع أيمن ال**ت :- _تحبي نقوم نادين : تمام انتقلا أيمن ونادين كل إلى مسكنه الجديد ، وانخرطت نادين في عملها تؤديه بفتور لاحظه عليها كل من حولها . أما أيمن فقرر حسم أمره واتصل على زوجته : _ شوشو لو سمحتى انا عايز اتكلم معاكى شوية شوشو : اتفضل اتكلم ، هتقول ايه تانى سمعنى ايمن : انتى شايفة حياتنا هينفع تستمر ؟ تضحك شوشو في سخرية : بقولك ايه هات من الآخر ايمن الآخر اننا لازم ننفصل علشان انتى تعيشي حياتك وانا اعيش حياتى # تضحك شوشو باستفزاز : وده كلامك ولا كلام الدكتورة الصايعه اللى مجرياك وراها !! يبهت أيمن للحظات : تمام اوى ، طيب مادام عرفتى يبقي اتكلمى عنها كويس علشان دى هتبقى مراتى شوشو بسخرية : مرااتك !! يااااه بسهولة كده يا كابتن تبيع بيتك ومراتك وولادك علشان واحدة زبالة يقاطعها أيمن في عصبية : كلمة زيادة عنها وهتسمعى وتشوفى اللى عمرك ما تخيلتيه ، اللى بتتكلمى عنها دى مأجلة اى ارتباط حفاظا على مشاعرك وبيتك شوشو : لا فيها الخير ، هو انتم ناقصكم جواز !!على حد علمى مقضيينها ، فضايحك سابقاك يا كابتن يبلغ الغضب مداه ويهتف بها أيمن : انا غلطان أنى تخيلت أنى ممكن اتكلم مع حد بتفكيرك ده شوشو : خد بالك لو فاكر انك هتخلص بسهولة ده بعدك ، وهعرف ادفعك انت وهى التمن غالى تغلق شوشو الخط ويتصل أيمن على ابنه الأكبر علاء ايمن : حبيبي ازيك علاء : بابا ازى حضرتك وحشتنا جدا ايمن : ازيك يا حبيبي طمنى عليك انت واخواتك يدور بينهما حديث أبوي يطمئن فيه أيمن على اولاده ثم يقول ايمن : علاء حبيبي انا عايزك تبقى متأكد بابا بيحبك قد ايه ومش ممكن يتخلى عنكم علاء : اكيد يا بابا ايمن : اى حاجة تسمعها او تتقالك ارجعلى يا حبيبي وافهم منى علاء : طبعا يا بابا انا ماليش حد غيرك افهم منه اى شئ ايمن : حبيبى انا بحبكم اوى و عمرى ما هابعد عنكم ، هانفضل مع بعض طول العمر حبيبى علاء : حبيبى يا بابا اطمن علينا خالص كلنا بنحبك و مش ممكن حد يقدر يتدخل بيننا اغلق أيمن الهاتف مع ابنه وهو يفكر كيف سيستعيد نادين مرة أخري .. و بينما نادين تعيش فى حالة من التيه و التخبط و القلق و هى تنتظر قرار ايمن ، قلبها يوشك على التوقف عندما تتصور ان ايمن سيتركها ، و تترقب فى قلق و تشوق ان يخاطبها ايمن طالبا يدها مرة أخرى ، يدق هاتف نادين ليأتيها على الطرف الآخر صوت أنثوى _ دكتورة نادين ؟؟ نادين : أيوه يا فندم _ انا من معجبات حضرتك اوى وعندى مشكلة واتمنى اقابلك احكى معاكى واخد رأيك تستغرب نادين الطلب إلا انها تجيبها : اهلا وسهلا بيكى ، لو عارفة الاستوديوهات اللى بصور فيها اتفضلي انا موجودة للساعه 7 كل يوم _ حضرتك اتمنى اقابلك بره نادين : اممم طيب فيه كافيه جنب الاستديو باخد فيه بريك الغدا بتاعى اتفضلى الساعه 2 مناسب ؟ _ اه مناسب جدا جدا تكمل نادين عملها وفي موعد راحتها تذهب للكافيه لتتناول الغداء ، يدق هاتفها مرة أخرى ليأتيها الصوت الانثوى : _ أنا موجودة فى الكافيه ، حضرتك فين ؟ نادين : ادخلى جوه ، انا آخر تربيزة ع اليمين تدخل المرأة لتفاجأ نادين أن شكلها مألوف ، إنها زوجة أيمن ! تشعر نادين باضطراب شديد وتعلو خفقات قلبها ، تبادرها شوشو : _ ايه مالك وشك اصفر واتخضيتى نادين : مدام شوشو اهلا ، اتفضلي شوشو : طبعا هاتفضل ، بينا كلام كتير .. ولا أيه ؟ نادين : مش فاهمه ، بس واضح ان فيه سوء تفاهم شوشو : لا وانتى الصادقة فيه سفالة وقلة ادب ، اظن انتى عارفة اللى زيك بيتقال عليهم ايه عندنا ولا مش عارفة ؟ تطرق نادين برأسها لحظات وقد أدركت أن شوشو ليست من نوع النساء التى يمكن التفاهم معها ، بتحضر او أدب ترفع رأسها وقد ابتسمت في ثقة :- _ بيتقال عليهم الحقيقة اسمين : خطافة الرجالة او خرابة البيوت اللى يعجبك اختاريه ، وتشعل سيجارتها ولازالت الابتسامة مرتسمة على وجهها تبدو علامات الغيظ على وجه شوشو مما يزيد ثقة نادين بنفسها ، : كويس انك عارفة انك الاتنين نادين : مدام شوشو ادخلى في الموضوع لو تسمحى ، شوشو : لو مبعدتيش عن جوزى انا هفضحك تضحك نادين : للدرجة دى معندكيش ثقة بنفسك .. عموما انا بعيدة اهو بس واضح انك انتى اللى مش عارفة تقربي شوشو : انا كنت متأكده ان واحدة زيك مش هتقول غير كده ، انتى واحدة سايبة لازم اتوقع انك تكونى بالشكل ده ، ايمن ده انا اللى عملته ، انا اللى خليته اسم له كيانه و مركزه ، لولا وجودى انا ما كان وصل للى هو وصل له و خلا واحدة زيك تلف عليه ، انا اللى بنيته و ممكن فى لحظة اهدمه ، و اهدم اى حد يحاول بس انه يخ*فه منى ! ترتسم على ملامح نادين الجدية قائلة : انا كنت بحاول أأثر على أيمن انه يقبل يخليكى معاه بس انا عرفت سبب رفضه ، وبعد كلامك ده انا مش هسيبه أبدا ! لازم اعوضه كل السنين اللى قضاها فى عذابه معاكى ، ايمن بنى نفسه بتعبه و مجهوده و عمل اسمه الكبير ده لوحده مكانش محتاج حد يبنيه ، حتى و انتى بتدافعى عن حياتك معاه مش عارفة تتخلصى من غرورك و غوغائيتك ، الكلام بيننا انتهى ، انا منتظرة قرار أيمن و هو اللى هايحدد ان كنت هافضل معاه و لا اسيبه ! تفلت اعصاب شوشو وتبدأ بمهاجمة نادين بيديها ليتدخل رواد الكافيه وبعض طاقم عمل نادين الذين يصرون على طلب الشرطة ، تمنعهم نادين : - _ سيبوها هى عرفت غلطها ومش هتيجى هنا تانى شوشو : خديه ، اشبعى بيه ، اللى زيه لو اختارك يبقا يستاهل يحرم نفسه من السعادة و الاستقرار اللى كان شايفهم معايه ، و اللى زيك لازم تشوف بنفسها هاتقدر تكون له زى ما كنت و لا هاتفشل ! تخرج شوشو من الكافيه و هى لا زالت تتمتم بكلمات لاهثة فى مضمونها سباب و شتائم لنادين و أيمن على السواء ، يرن هاتف أيمن بينما هو فى مسكنه يستعد للخروج ألو ! شوشو : اهلا يا كابتن ازيك ؟ ايمن : شوشو ! انتى بتتكلمى منين ؟ ايه الرقم ده ؟ انتى هنا ؟ شوشو : افتح الباب يا كابتن و بطل رغى انت مش بتهلفط فى ستوديو ايمن : آه ، أوك ثوانى شوشو : ايه هو ده العش الهادى اللى بتتقابلوا فيه يا ترى ؟ ايمن : شوشو اقعدى لو سمحتى و بطلى كلامك المستفز ده شوشو : كلامى انا اللى مستفز و لا حياتك كلها اللى بقت مستفزة يا كابتن ، يا اللى مش مراعى اسمك و لا تاريخك و داير تتصرمح مع الستات ايمن : شوشو حاسبى على كلامك ، دى حياتى و انا اللى اخترتها ، لو حد له عندى اى شئ يتفضل ياخده منى ، انا قدمت كل اللى اقدر اقدمه للناس كلها عشان ارضيهم ، ايه ! مستخسرين فيا انى اعيش لنفسى و لو أيام خلاص بتروح منى ! شوشو : تعيش لنفسك ! و انت كنت السنين اللى فاتت عايش لمين يا كابتن ؟ بلاش الشعارات الفارغة دى و النعرة الكدابة ، انت طلعت و لا نزلت كنت لاعب كورة اقل عيل فى الشارع ممكن يقدم احسن من اللى انت بتقدمه ايمن : اخرسى ، انتى معندكيش اعتراف بقيمة اى شئ و لا معناه ، كل اللى بيهمك ان شكلك يبقا كويس و عيشتك تكون مرتاحة ، اوعدك كل ده مش هايتأثر ، بس يا ريت تنسينى و تمسحينى من ذاكرتك للأبد ، كل اللى بيننا أولادنا و بس ايمن : من سنين و انت كنت منتظر الفرصة اللى تبيعنى فيها ، ماكنتش باخد بالى لما الاقيك كل شوية تناقشنى فى عيوبى ، عيوبى انا يا كابتن ، اللى انت كنت شايفه عيب فيا كان بالنسبة لغيرك فى نظره ميزة ، كنت بتخلق لنفسك حجج من الهوا ، و دلوقتى خلاص لما شبعت من كل اللى قدمتهولك من جهدى و تعبى معاك و اخلاصى ليك جاى و بتحاول تتخلى عن كل ده عشان نزوة ، انا هاسامحك على نزوتك ، حتى لو كان فيه نزوات ما اعرفهاش ، بس خلاص سامحتك و نبدأ من جديد بعد ما تعتذرلى و تقولى دلوقتى انك عرفت قيمتى ايمن : انا فعلا باعتذر ، بس مش ليكى ، باعتذر لنفسى عن كل اللى اتحملته معاكى ، كنتى بتحتقرى شغلى و تستتفهيه ، و شايفاه مجرد لعب ، لا عمرك قدرتيه و لا اعترفتى انى باتعب و باشقى زيى زى اى حد بيشتغل فى الفاعل و يمكن اكتر ، كان كل اللى يهمك هو الم**ب المادى اللى كان معيشك ملكة ، لكن لو فى يوم قلت لك انى تعبان ، كنت باشوف على وشك علامات استهزاء ، حتى لما قررت اشتغل فى التحليل ، فاكرة يومها قلتى لى ايه ؟ قلتى لى انا مش فاهمه انتم مصدقين نفسكم ازاى ؟ بتحللوا ايه و تعلقوا على ايه ، رزق الهبل صحيح !! مش ده كلامك ، فاكرة كام مرة قلتى لى كلمة حب ؟ و لا مرة ، فاكرة لما كنت بقولك انى محتاجلك كنتى بتقولى ايه ؟ اوقاتنا مش متفقة بقت بتصحى وقت ما بانام و بتنام وقت ما باصحى ، لما تشتغل شغلانة تانية وقتها منظم هابقا تحت امرك ! شوشو : كل ده شايلهولى فى نفسك يا ايمن ؟ للدرجة دى مغلول منى ، طب ما تطلقنى ، طلقنى طالما مش لاقى حياتك معايه ، من الآخر يا أيمن ، يا انا يا وجودك هنا ايمن : يعنى ايه ؟ شوشو : يعنى لو ما رجعتش معايه مصر دلوقتى و نسيت كل اللى حصل هنا سواء بينك و بين نادين او بينك و بينى يبقا انت اخترت الانفصال ايمن : اوك يا شوشو ، زى ما تحبى شوشو : يعنى إيه ؟ ايمن : يعنى انتى طالق يا شوشو شوشو : هههههههه كنت متوقعة ، طول عمرك واضح زى الشمس ، مفضوح يعنى يا كابتن ، اى حد يقدر يكشف جواك ايه بسهولة ايمن : وضوحى ده هو اللى هايخلينى اقولك انى ورايا شغل دلوقتى و معنديش وقت اضيعه معاكى ، تحبى اوصلك المطار و لا ناوية تقعدى هنا كام يوم ؟ شوشو : لا و على ايه خليك براحتك يا كابتن انا عارفة طريقى كويس ، مب**ك عليك الدكتورة الصايعة بتاعتك ، ياريت تبقا تبلغها بقرارك عشان هى منتظراه ! بكرة تندم على كل كلمة قلتهالى ايمن : قرارى !! انتى قابلتى نادين ؟ اتكلمى قلتى لها ايه وعملتى معاها ايه ؟ شوشو : هو ده كل اللى يهمك ، انا لو كنت اقدر كنت سحلتها و ف*جت عليها الناس بس لحقوها منى ايمن : انتى انسانة مريضة ، لا عندك دم و لا شعور شوشو : و انت خاين و بتحب واحده سايبة مش لاقية اللى يلمها ايمن : طيب بما اننا اتطلقنا يبقا مالكيش اى حقوق تهينى الست اللى هاتكون مراتى ، و لولا اننا فى بلد غريبة و انى باقى على اللى كان بيننا انا كنت اتصرفت معاكى بشكل تانى خالص ، بعد اذنك يا هانم انا عندى مواعيد شغل ، تحليل يعنى ، بنتعب نفسنا فيه من غير داعى زى ما انتى بتشوفى ، تحبى تستنى شوية ! تسكت شوشو و هى تتجه نحو الباب و على وجهها كل نظرات الكره و الحقد ثم تخرج بينما يتصل أيمن بنادين ليحذرها ان تذهب إليها .. ايمن : نادين ! انتى فين ؟ نادين : أيوة يا أيمن انا قدامى دقايق و ابقا فى السكن ، ايه انت ليه مش فى الاستديو ؟ ايمن : انا لسه معادى فى الفقرة الجاية فى التحليل ، عندى حوالى ساعة لسه ، ممكن اشوفك ؟ نادين : اكيد يا أيمن تحب اجيلك ! ايمن : لا انا اللى هاجيلك ، انتى فى طريقى نادين : اوك حبيبى ايمن : قوليها كمان مرة نادين : اوك ايمن : لا ، قولى حبيبى نادين : طبعا حبيبى و روحى و عمرى يا ايمن ، لسه محتاج اقولك ؟ ايمن : بحبك يا نادين ، بحبك اوى نادين : طيب تعالى بقا انا دخلت السكن اهه مستنياك يصل أيمن الى مسكن نادين ثم يطرق الباب نادين : أيمن ، حبيبى مالك مخضوض كده ليه ؟ ايمن : انا كنت خايف عليكى اوى يا نادين نادين : من ايه يا ايمن ؟ ايمن : فكرتى كويس فى الكلام اللى قلناه ؟ نادين : انت اللى مفروض كنت بتفكر ايمن : و انا قلتلك مش محتاج افكر ، انا بحبك ، و هعيش طول عمرى احبك ، تتجوزينى ؟ نادين : طب و .............. ايمن : شوشو كانت عندى من شوية ، و خلاص تم الطلاق ، صدقينى مكانش ينفع لينا غيره ، مش ممكن كنا نفضل عمرنا كله فى خناقات و غضب من بعض و عدم تفاهم ، الطلاق حل ممكن يكون صعب ، لكنه حل سليم فى حالتنا دى انا و شوشو نادين : عارفة يا ايمن ايمن : انا اسف لو كانت شوشو سببتلك اى ازعاج او الم نادين : لا ابدا يا ايمن اى ست مكانها كانت هاتعمل كده ايمن : صدقينى لو كنت حكيتلك مهما حكيتلك ما كانش هايبقا زى ما تشوفى بنفسك ، قولى لى بقا تحبى نقضى شهر العسل فين ؟ نادين : يا عم فكر تانى لا تندم ههههههههههه ايمن : انا لو باندم فانا باندم على كل يوم عدى من عمرى من غيرك نادين : انا بحبك اوى يا ايمن ايمن : و انا بموت فيكى ، ها ! تحبى نروح مدريد ؟ نادين : هههههه انت عارف انى باعشقها ايمن : يبقا الاسبوع الجاى ناخد اجازة شهرين و نطلع على هناك نادين : يعنى هاتسيبهم يعلنوا الخبر ؟ ايمن : لا انا بنفسى اللى هاعلنه النهارده على الهوا و قدام كل الناس نادين : ربنا يخليك ليا يا ايمن و تفضل طول عمرك جنبى ايمن : و يخليكى ليا يا رووووح قلبى و يقدرنى اسعدك نادين : بحبك ايمن : بحبك تمت

Free reading for new users

Scan code to download app

App Store Google Play

Facebookexpand_more