HALOS magiba ni Himig ang pinto ng pribadong kuwarto ng ospital na iyon kung saan nakahiga ang wala pa rin malay na si Anne. Hilam sa luha ang mga mata na agad nilapitan ang babae at hinawakan ang kamay. Halos madurog ang puso niya nang makita ang sinapit nito.
Puno ng sugat at pasa ang mukha at braso. Bukod doon ay may benda din ito sa ulo. Nang tumawag sa kanya ang Ate Amihan niya at sinabi ang tungkol sa aksidente, halos paliparin niya ang kotse makarating lang agad sa ospital, habang paulit-ulit ang dasal na walang masamang mangyari kay Anne.
“Anne, wake up. I’m here…” umiiyak na pagkausap niya dito.
Napalingon si Migs nang lumapit si Bebs. Tinapik nito ang balikat niya.
“Ligtas na daw siya sa panganib sabi ng doctor,” malungkot a
