Mataas na ang araw nang magising ako kinabukasan. Alas diyes na ng umaga nang tingnan ko ang oras sa selpon ko. Once in a blue moon lang ako gumising ng ganitong oras. Sa dami ng nangyari kagabi mabuti nga nakatulog pa ako ng maayos, siguro dahil na rin sa pagod kaya bumigay na agad ang katawan ko ng lumapat ako sa kama.
Walang pasok o mas tamang wala na akong papasukan kaya walang problema kung tanghali na akong gumising ngayon. Ang problema ko ngayon ay kung paano ako magkakaroon muli ng trabaho, hindi pwedeng mabakante ako dahil may umaasa sa akin.
Wala pa naman akong hawak na pera dahil talagang kinuha ng magaling kong inay ang lahat ng pera na isinaboy ko sa kanya kahapon. Iniisip ko na baka nasagi ko ang pride nito dahil sa ginawa ko kaya baka ibalik niya pero mali pala ako. Ang ta
