Huminto ang sasakyan ko sa tapat ng isang mataas na gate. Ilang beses akong bumusina bago may isang lalaki ang nagmamadaling nagbukas ng gate.
Bahagya pa itong sumaludo sa akin nang makilala ako dahil nakababa na ang bintana ko. Binigyan ko naman ito ng isang tipid na tango.
Pagbaba ko pa lamang ay patakbo na akong sinalubong ng isang batang babaeng may malaking ngiti sa mga labi.
"LOVEEEE!" tili nito nang makita ako.
Ibinuka ko ang dalawang braso ko, mabilis itong lumapit sa akin at yumakap. Binuhat ko ito kahit na malaki na ito.
Mahigpit ang pagkakayakap nito sa akin na para bang ayaw na akong bitawan. "I miss you so much," humihikbing saad nito bago sumubsob sa leeg ko.
"I am sorry, Love," masuyong saad ko sa kaniya at nagsimula nang pumasok sa loob ng isang malaking bahay o mas
