Kahit si Thiago ay tila nanigas sa kanyang kinaroroonan, sa ibabaw ng dalaga.
Mabilis siyang itinulak ni Mihan at agad nitong sinaklot ang underwear para isuot muli at nagtago ito sa ilalim ng kumot.
“Umalis ka na!” pasutsot na pagtataboy sa kanya ng babae. Nagda-drama pa itong natutulog nang nakatagilid.
Walang nagawa si Thiago kundi ang tumayo lang doon sa may gilid ng kama at napabuga ng hangin.
Mierda!
Ang akala pa naman niya ay maaangkin na niya nang tuluyan si Mihan sa gabing ito.
“O?” naibulalas ng mga kasama ni Mihan nang makita siya roong nakatunghay sa kanilang kasamahang natutulog.
Dumiretso ang mga mata ng tatlo sa babaeng nakahiga at nakatagilid nang nakaharap sa dingding.
“I think she’s really tired. I’ve got to go,” sabi na lang niya nang hindi na nagpapaliwanag. Bah
