Mabilis na lumipas ang mga araw. Panay pa rin ang pagbibigay ni Thiago ng pagkain at kung anu-ano pa para kay Mihan. Sa isip ng dalaga ay baka nakalimutan nitong pagsabihan ang taga-hotel na itigil na kaya naman ay kinausap niya ang cashier sa restoran ng hotel.
“Po?” anang babaeng nasa late twenties ang edad.
“Sabi ko, pakitigilan na ang pagbibigay sa ‘kin ng pagkain, inumin at vitamins kada kainan. May buffet naman kami sa set,” paliwanag niya.
“Ah… eh… si Sir ThiQ po ang kausapin n’yo, Ma’am Mihan.”
Aba, kilala pa ako. Sabagay, may pangalan nga naman ang mesa at upuan ko kaya alam na nila. Kung gano’n, alam ng lahat ng taga-hotel na nanliligaw siya sa ‘kin?
Biglang uminit ang pisngi niya sa realisasyong ito.
“Ha? B-bakit siya? ‘Di ba kayo dapat ang kumausap sa kanya kasi nagreklam
