Mas naging busy si Mihan sa mga sumunod na araw at halos wala na siyang pahinga. Pasalamat lang siya at nagbibigay ng mga larawan ang kanyang Kuya Habagat sa inang nasa ICU. Madalas na nitong binibisita ang ina nila at nagse-selfie ito bilang ebidensiya. Kahit paano ay nasiyahan na si Mihan sa pagbabago ng kanyang kapatid.
“Oo, hindi na siya nagsusugal. Iyon ang report ng tauhang pinapamatyag ko sa mga kilos ng kuya mo,” balita ni Yhona kay Mihan isang gabi.
Nasa film set pa rin ang dalaga at mukhang wala na naman siyang tulog sa gabing iyon hangga’t hindi sila magpa-pack up. May mga idinagdag na eksena kaya naman ay todo ang habol nila para on schedule pa rin sila.
Nag-e-edit din si David kasama ang film editor at sound editor kada wrap up ng mga eksena para makikita agad ng mga ito an
