“Ikaw na muna ang bahala kay Nanay, ha, Kuya?” habilin ni Mihan sa kanyang kapatid nang nasa loob na sila ng asul at puti na private jet ng binata. Noon pa napansin ni Mihan kanina ang pangalan niyon: Mi Corazón. Nakasulat ito sa isang pakulot na M at N na kulay bughaw.
“Oo na. Ingat ka sa isla at ingat sa ‘yo ang lalaking ‘yan,” anito sa kabilang linya na nakuha pang magbiro.
Naipakilala niya nang wala sa oras si Thiago sa kanyang Kuya Habagat noong nakaraang gabi nang ihatid siya ng lalaki galing sa restoran. Ipinagpaalam din siya ng binata sa kuya niya na isasama siya nito pabalik sa isla dahil may sarili itong private jet. Nang marinig iyon ng kanyang Kuya Habagat ay nagningning ang mga mata nito.
Pinandilatan ni Mihan nang pasimple ang kanyang kapatid at agad nitong nakuha iyon. In
