Parang sinilaban ang mukha ni Mihan sa sinabi ng kanyang kaibigan kay Thiago na halatang nasisiyahan sa narinig. Nakatitig ito nang malagkit kay Mihan na lalong ikinakaba ng dalaga.
“Was it your first kiss, Mihan?” paninigurado ni Thiago sa kanya. Nakangisi pa ito nang nakakaloko.
“Hoy! Hindi totoo ‘yan, ah!” salungat niya sa dalawa na binigyan ng matalim na tingin. “Walang nangyaring halikan, ‘no?”
Lalo lang umigting ang inis niya nang naghagikhikan sina Riza at Lota at nakangisi pa ang dalawang lalaki.
“She said it wasn’t a kiss, ThiQ,” anang Ax sa mapanuksong tono. Sinuklay nito ang buhok gamit ang mga daliri.
Tiningnan ito nang matalim ni Mihan at sinulyapang muli si Thiago na nanunukso ang mga mata. Tila kinakausap siya nito sa pamamagitan lang ng tingin. Tila naman natunaw ang k
