Pakiramdam ni Mihan ay alanganin ang suot niya. Kahit kaswal lang ang suot niya at ni Matthew na T-shirt at jeans ay parang hindi pa rin siya nababagay na kasama ng mga artistang ito.
Sakay sila sa isang nirentahang kotse at si Matthew ang nagmamaneho habang nakasunod sa dalawang sasakyan ang bodyguards ng mga ito kasama sina David, ang assistant director nitong si George at si Logan. Napagitnaan ang kanilang sasakyan at napatingin na lang si Mihan sa labas ng bintana. Nalugod siya sa mga tanawin sa gabing iyon. Kitang-kita niya ang lighthouse sa kanang bahagi, kung saan siya nakaupo at katabi niya sa kaliwa si Johanna.
May mga bahagi ng daan na walang ilaw kaya nakikita ang mabituing gabing iyon. Maganda ang panahon pagkatapos ng pabugso-bugsong ulan nang ilang araw na. May napansin siy
