Napasulyap na lang si Mihan kina Johanna at Matthew na aliw na aliw na nakikipag-usap sa asawa ng mayor. Mukhang mino-monopolize nito ang aktres at ang aktor samantalang sina David, George at Logan ay kausap ang mayor kasama ang iba pang mga bisita habang umiinom ng pulang alak sa kani-kanyang kopita. Nakaupo ang mga ito sa isang VIP table na nasa kabilang bahagi ng mga tumutugtog ng musika.
Napansin din ni Mihan ang ilang pamilyar na mukha na nakita na niya sa hotel at sa golf course. Ang isa sa mga ito ay may kausap sa cell phone. Napagtanto niyang abot pala sa pulitika ang sirkulo ng mga ito. Sabagay, hindi na iyon nakapagtataka dahil puro mayayaman ang mga ito.
Nangalahati na siya sa kinakain nang napansin niyang napatingin sa kanya si Logan. Mukhang nabato ito sa mga kausap kaya ay
