"ANO BANG kailangan mo?" naiiritang tanong ni Rachel kay Serene nang makapasok sila sa loob ng bakanteng banyo.
Kaagad na ni-lock ni Serene ang pinto bago ito sumandal sa pader. Nakakrus ang magkabilang kamay nito sa kan'yang dibdib habang nakatingin nang masama sa kan'ya.
Parang papatay si Serene sa tingin nito. Kung nakamamatay lang ang tingin, malamang ay nakabulagta na si Rachel ngayon sa sahig.
"Papatayin mo ba ako? Kaya mo ba ako dinala rito sa lugar kung saan ay walang makakarinig at makakakita sa atin ay dahil may gagawin kang masama?"
Napahawak si Rachel doon sa lababo habang nakikipagpantayan ng titig sa babae. Ngumisi ito nang hindi sumagot si Serene. Mukhang naubos na nga nito nang tuluyan ang pasensiya niya.
"Sabihin mo! Hindi 'yong bigla mo na lang akong kinakaladkad
