ANG TAGAL naman magbanyo ni Angelo!
Nang maalala si Angelo ay doon lang naalala ni Serene na hindi nito na-warning-an si Rachel tungkol sa kaibigan. Siguro ay sa susunod na lang niya ito pagbabantaan na kapag may ginawa itong hindi maganda, nilandi man nito si Angelo o pinagbantaan ito, sisiguraduhin niyang mata lang nito ang walang latay at dudugo ang tainga nito sa panenermon niya.
"Serene," pagtawag ni Angelo sa kan'ya kaya naman ay napalingon siya roon.
"Oh, nandiyan ka na pala. Kanina ka pa ba riyan?"
Tumango ito bago kinuha sa kan'ya ang basket na dala. "Oo, at narinig ko na naman ang sinabi niya sa iyo."
Napangiti si Serene nang makita ang masamang tingin ng kaibigan. Nasasaktan ito kapag sinasabihan ang babae na social climber ito kahit na hindi naman.
"Masanay ka na. Ako nga
