"GOOD MORNING, inay," pagbati ni Serene sa kan'yang ina na lumikot nang kaunti paharap sa direksyon kung saan siya nakaupo at nag-aaral.
Araw na ng Linggo ngayon at wala naman siyang pasok, pero bukas kasi ay magsisimula na ang kanilang pagsusulit. Alam niyang dapat ay nagpapahinga na muna siya ngayon pero hindi kasi siya nakapag-aral kagabi. Balak kasi niyang ituloy ang pagtitinda ng mga merienda kahit na araw 'yon ng kan'yang exams.
Isa rin iyon sa peak season ng pagtitinda niya. Madalas bumili ang mga kaklase niya sa kan'ya dahil mahilig silang kumain habang nagsusulit, at bilang isang estudyante na mayroong mindset katulad ng isang entrepreneur, sinusulit niya ang oportunidad na 'yon.
"Ay, tulog ka pa ba, 'nay?" nagtatakang tanong niya dahil kahit na bumati na siya sa kan'yang ina a
