"AYOS KA lang?"
Tila ay naging isang estatwa si Angelo habang nakatitig ito kay Serene. Dalawang beses nitong ikinurap ang mga mata pero hanggang ngayon ay hindi pa rin nagsi-sink in sa kan'ya ang sinabi nito. Kaswal lang na sinabi ni Serene ang mga salitang 'yon pero halos hindi na tumigil sa pagtambol ang kan'yang puso.
"Hoy, Angelo. Bakit na naman?" nagtatakang tanong naman ni Serene bago niya hinampas nang malakas si Angelo sa balikat nito. Kaagad na napatitig ito sa kan'ya at parang nagising ito sa katotohanan kaya naman ay napailing na lang siya. "M-May mali na naman ba akong nasabi?" nauutal niya pang tanong.
'Akala ko ay simpleng pagtatampo lang itong mayroon si Angelo ngayon... pero matindi na ba ang galit niya sa akin?' dagdag pang tanong ni Serene sa sarili habang nakatitig i
