MATAPOS MAKIPAG-USAP ni Serene kay principal Verna ay lugmok itong umuwi kasama si Angelo. Kahit noong nasa bangka sila ay nakatingin lang si Serene sa kawalan, tila ay malalim ang iniisip. Sinabi ni Serene na hindi niya siya pinayagan magtinda ng principal sa loob ng eskuwelahan, pero wala na itong iba pang sinabi pagkatapos no'n.
Wala itong imik. Tahimik lang ito ngunit kita ang kalungkutan sa mga mata nito.
"Ano'ng nangyari?" pabulong na tanong ni Mang Patricio sa kan'ya habang ino-operate nito ang motor ng kan'yang bangka at inaayos ang flashlight na siyang nagsisilbing liwanag nila sa madilim na gabi.
Umiling lang si Angelo at hindi ito sumagot. Napabuntong hininga na lang ito bago muling tiningnan ang dalagita. Nakakagat na ito sa labi niya habang pilit na tinatago ang kan'yang mu
