"NAKAKAPANIBAGO KAPAG wala si Angelo," ani Serene habang mapayapa itong naglalakad papunta roon sa daungan ng barko. "Kainis, dapat ba ay sumali rin ako sa journalism? Kaso wala na akong oras para roon," dagdag pa nitong wika sa sarili bago ito umiling-iling.
Hindi naman nakabusangot ang babae pero hindi rin ito nakangiti. Nakapamulsa lang ito habang nagpapatuloy sa paglalakad. Sanay siyang mag-isa... iyon ang iniisip niya, ngunit ngayon pa lang kung saan ay maglalakad na siya para makauwi na ay hindi niya namamalayan sa sarili na hinahanap niya si Angelo.
Muli ay umiling siya bago sinipa ang maliit na bato na kan'yang nadaanan. Iibahin na lang niya ang iniisip. Hindi naman kasi dapat ang pagiging mag-isa niya o si Angelo ang kan'yang iniisip. May isa pa siyang bagay na higit niyang dapa
