KINABUKASAN ay magkasama na ulit si Serene at Angelo sa eskuwelahan. Alas-tres na ng hapon at kasalukuyan silang nakaupo ngayon sa harap ng lamesa sa canteen. Nilibre kasi siya ni Angelo ng carbonara kahit na alam nito na hindi naman palakain ng merienda si Serene, pero sino ba naman siya para tumanggi?
Basta pagkain, go lang nang go! Lalo na kung libre!
'Yon lang naman ang motto ni Serene sa buhay kaya naman ay payapa lang siyang kumakain habang breaktime pa nila. Mayroon pa silang dalawang subject bago sila umuwi. Pinanonood lang niya si Angelo na um-order din naman ng carbonara katulad niya, pero mas abala pa ito sa pagbabasa kaysa sa pagkain.
"Angelo, sobrang busy mo na palagi, ano?" Hindi na niya napigilang magtanong. "Hanggang sa pagkain mo ay inaatupag mo pa rin iyan, eh," wika n
