"IPINAPATAWAG N'YO raw po ako, ma'am?" saad ni Serene nang makapasok ito sa loob ng guidance office.
Sumalubong sa kan'ya si Ma'am Verna, ang kanilang school president na kasalukuyang nakaupo sa couch ng kan'yang office habang nakadekuwatro ito, nakakrus ang magkabilang kamay sa dibdib, at nakatingin sa kan'ya. May kape pang nakapatong sa lamesa sa harap nito at nakikita niya pa ang usok no'n. Ibig sabihin ay bagong timpla lang ito.
Nakasuot ng salamin si Verna kaya naman ay nagmukha itong masungit sa paningin ni Serene. Naka-claw clip pa ang buhok nito at nakalaglag ang iilang buhok sa mukha. Matanda na ang principal ngunit kita pa rin ang kagandahan nito.
Ito pa lang ang pangatlong beses na makakausap niya ang guro kahit na magtatatlong taon na siyang nag-aaral dito. Ang pinakaunang b
