'NAKASUOT PA ito ng damit na ginagamit niya kapag nangingisda. Mukhang nagmadali nga sila sa pagpunta rito,' ani Serene sa kan'yang isip.
Muli ay nagkatinginan si Serene at Angelo dahil sa tanong ng kan'yang magulang. Sinusubukan basahin ni Angelo ang nasa isip ni Serene. Hindi kasi ito sanay magsinungaling sa magulang, at mas lalong hindi siya sanay maglihim sa mga ito. Habang si Serene naman ay iniisip kung anong klaseng palusot ba ang kan'yang sasabihin.
'Yong palusot na kapani-paniwala dahil magaling kumilatis ng tao ang kan'yang ina.
"N-nadulas po ako sa banyo." Iyon na lang ang nasabi niya. "Hindi ko po kasi napansin na may tubig pala roon sa sahig tapos ay tumatakbo ako. Hehe." Nagkamot pa siya ng ulo pagkasabi no'n gamit ang kan'yang kanang kamay habang naka-cross fingers naman
