Iba ang naramdaman ko nang makita ko ang mukhang iyon. Oo tumanda marahil ng ilang taon ang hitsura niya sa litratong hawak ko ngunit naroon pa rin yung ganda niya. Yung kariktan niya na nakikita kong madalas sa aking panaginip. Kahit hindi pa man sinabi sa akin ni Mael ang pangalan niya ay alam ko kung sino siya. Kung tama ang nasa panaginip ko, hindi lang siya isang babae babaeng dumaan sa buhay ko kagaya ni Helen. Siya si Donna. Ang babaeng pinakasalan ko. Ang kaisa-isang babaeng minahal ko nang ako si Frank. Ang babaeng nagpabago sa aking mga naging desisyon sa buhay. Ang dahilan kung bakit ang notorious na na ako noon ay nagbago. Ang tanong na nasa isip ko ay kung bakit niya sa akin ipinakita ang litrato. Nagbigay sa akin iyon ng nginig. Sa ngayon, kailangan ko munang alamin ang misyo
