Napapangiti nang nakakaloko si Harold habang tinitingnan ng diretso si Rohem na hindi naman maipinta ang mukha na nakatitig naman sa kanya. Nasa loob sila ng isang café at magkaharap na nakaupo sa pandalawahang mesa na nakapwesto sa bandang dulo.
“Kung hindi mo alam dahil sa trip mo, galit na galit sa akin si Kuya,” ani Rohem sa seryosong tinig. Pagak pa siyang natawa pagkatapos sabihin ‘yon. “Sino ba naman kasing kuya ang hindi magagalit kung malalaman niya na ikinasal ang nakababatang kapatid niya ng hindi niya alam, ‘di ba?” sarkastikong sabi niya pa.
“Wala ka namang pakiealam sa galit ng kuya mo, ‘di ba? So bakit mo pa iniisip ‘yun?” tanong ni Harold na nangingiti pa rin ang labi.
“Gago!” singhal ni Rohem sa kaibigan saka ito tiningnan ng masama. Humigop muna ito ng ice Americano na
