Nakatayo nang tuwid sa harapan ng bintana si Rohem. Nasa loob siya ng kanyang kwarto. Madilim na sa labas dahil gabi na kaya naman tinitingnan niya ang kalangitang puno ng mga bituin na pinalilibutan ang malapit ng bumilog na buwan.
Malalim na nag-iisip si Rohem. Sa totoo lang, naguguluhan na siya sa mga nangyayari sa buhay niya sa mga nakalipas na araw hanggang ngayon. Tila napakabilis ng mga pangyayaring hindi niya inakalang mangyayari sa buhay niya. Masaya lang siya sa mga ginagawa niya pero hindi niya akalain na dadalhin siya ng sayang iyon sa nakakalokang sitwasyon.
Ang isa pa sa iniisip ni Rohem ay si Tattered, ang kanyang instant asawa na ayaw makipagtulungan sa kanya para mapawalang bisa ang kasal nilang dalawa. Hindi niya maiwasang hindi mainis sa binata.
“Kunsabagay, may poin
